അരി പൂരി

വളരെ നേര്‍മ്മയായ അരിപ്പൊടി - 1 കപ്പ്
മൈദ- 1 കപ്പ്

ചിരവിയ തേങ്ങ - 1/4 കപ്പ്

പച്ചമുളക് ചെറുതായി അരിഞ്ഞത് - 3 എണ്ണം

കറിവേപ്പില 5-6 ഇല വളരെ ചെറുതാക്കി അരിഞ്ഞത്

എള്ള് - കുറച്ച്

ജീരകം - കുറച്ച്

പഞ്ചസാര - 2 ടീസ്പൂണ്‍

ഉപ്പ് - പാകത്തിന്

വെളിച്ചെണ്ണ- വറുത്തെടുക്കാന്‍ ആവശ്യമായത്

എല്ലാ വസ്തുക്കളും കൂടെ കലര്‍ത്തി, ചൂടുവെള്ളം ഉപയോഗിച്ച് ചപ്പാത്തിമാവിന്റെ പാകത്തില്‍ കുഴയ്ക്കുക. 3-4ടീസ്പൂണ്‍ വെളിച്ചെണ്ണയും ചേര്‍ത്ത് യോജിപ്പിക്കുക 15-20 മിനിട്ട് വെച്ച ശേഷം, ചെറിയ ഉരുളകള്‍ ആക്കി ചപ്പാത്തിപ്പലകയില്‍ ഇട്ട് ചെറിയ വട്ടത്തില്‍ പരത്തി എടുത്ത് വെളിച്ചെണ്ണയില്‍ വറുത്തെടുക്കുക. സോസുകളോ, ചട്ണിയോ എന്തെങ്കിലും കറികളോ കൂട്ടി കഴിക്കാവുന്നതാണ്. ഒന്നുമില്ലെങ്കിലും കുഴപ്പമില്ല.