Monday, May 02, 2011

ചെറുപയർ ദോശ

ചെറുപയർ കൊണ്ട് പലതരം കൂട്ടാനുകളും വയ്ക്കാറില്ലേ? ഇനി ചെറുപയർ കൊണ്ട് ദോശയായാലോ? അത്ര എളുപ്പത്തിലൊന്നും ആവില്ല. എന്നാലും സമയമുള്ളപ്പോൾ പരീക്ഷിക്കാം.



പച്ചരി - ഒരു ഗ്ലാസ്.
പുഴുങ്ങലരി - അര ഗ്ലാസ്.
ഉലുവ - ഒരു ടീസ്പൂൺ.
ചെറുപയർ - അര ഗ്ലാസ്.
ഉപ്പ്.

ഉപ്പ് ഒഴിവാക്കി ബാക്കിയെല്ലാം നാലോ അഞ്ചോ മണിക്കൂർ വെള്ളത്തിലിട്ടു വയ്ക്കുക. കഴുകിയിട്ട് വെള്ളത്തിലിട്ടാൽ മതി. മിനുസമായിട്ട് അരച്ചെടുക്കുക. അരയ്ക്കുമ്പോൾ, മിക്സിയിൽ, വളരെക്കുറച്ച് വെള്ളം ഒഴിക്കുക. ഇതൊക്കെ ഉള്ളതിന്റെ പകുതിയിൽ നിൽക്കുന്നത്രേം വെള്ളം. വേണമെങ്കിൽ മാത്രം വീണ്ടും ചേർത്താൽ മതി. മിനുസമായിട്ട് അരയണം. ഉപ്പ്, അരയ്ക്കുമ്പോൾ ഇട്ടാൽ ഒരുപോലെ ചേരും.



ദോശമാവ് പുളിയ്ക്കാൻ വയ്ക്കുക. ഇവിടെ വൈകുന്നേരം അരച്ചിട്ട് പിറ്റേന്ന് രാവിലെയാണുണ്ടാക്കിയത്.



ദോശക്കല്ലിൽ മാവൊഴിക്കുക. പരത്തുക. എണ്ണയോ നെയ്യോ പുരട്ടുക.



വെന്താൽ മറിച്ചിടുക. മറ്റേഭാഗവും വെന്താൽ എടുത്തുവയ്ക്കുക.




കൂടെക്കൂട്ടാൻ വെറും ചമ്മന്തി ആയാലും കുഴപ്പമില്ല. അല്ലെങ്കിൽ കറിയെന്തെങ്കിലും ഇഷ്ടമുള്ളതുപോലെ ഉണ്ടാക്കുക.

4 comments:

ശ്രീ said...

ദോശകള്‍ തന്നെ എത്ര തരമാണല്ലേ

സു | Su said...

ശ്രീ :) അതെ. കുറേയുണ്ട്. (വീട്ടിൽ ഒരുക്കങ്ങളൊക്കെ തുടങ്ങിക്കാണുമല്ലോ അല്ലേ?)

കോമാളി said...

കൊള്ളാല്ലോ സംഭവം...

Paachakalokham said...

nalla oru blog aanuto ithu.
oru paadu nalla recipes athum easy aayi cheyyavunnathu tharunnathinu nandhi.
cherupayar doasayum, kaipakka manga curryum sambar cheera upperiyum okke njaan try cheythu.
njangalude baakathum sambar cheera enna parayuka.

 
Creative Commons License
This work is licensed under a Creative Commons Attribution-NonCommercial-NoDerivs 2.5 License.

Copyright 2006-2015 [സു | Su]