ബസ്മതി അരി അല്ലെങ്കില്‍ പച്ചരി ഒന്നരക്കപ്പ്.
പനീര്‍ - ചിത്രത്തില്‍ ഉള്ളതുപോലെ പത്ത് കഷണം.
കാപ്സിക്കം- 2
വലിയ ഉള്ളി (സവാള) - ഒന്നര
ജീരകം- അര ടീസ്പൂണ്‍
വെളുത്തുള്ളി- 5അല്ലി വലുത്
ഇഞ്ചി- ഒരു കഷണം.
ഗ്രാമ്പൂ - 5
കറുവപ്പട്ട- ഒരു കഷണം
ഏലയ്ക്ക - മൂന്ന്
മഞ്ഞള്‍പ്പൊടി - ഒരു നുള്ള്
നെയ്യ്
ഉപ്പ്
മല്ലിയില
ആദ്യം തന്നെ പനീര്‍, കഷണങ്ങള്‍ അല്ലെങ്കില്‍ ചിത്രത്തില്‍ കാണുന്ന വലുപ്പത്തില്‍ മുറിച്ച്, പത്ത് കഷണം എടുത്ത് എണ്ണയിലിട്ട് വറുത്തെടുക്കുക. ഞാന്‍ കടയില്‍ നിന്ന് കഷണമായിട്ടുള്ളത് വാങ്ങിയതുകൊണ്ട്, അതു വറുത്തെടുത്തു. പനീര്‍ വറുക്കാന്‍ സണ്‍‌ഫ്ലവര്‍ എണ്ണയാണ് ഇവിടെ ഉപയോഗിക്കാറുള്ളത്. അരി കഴുകിവൃത്തിയാക്കി, ഉപ്പും ഇട്ട് വേവിച്ചുവച്ചു. സവാളയും കാപ്സിക്കവും കനം കുറച്ച് നീളത്തില്‍ മുറിച്ചുവയ്ക്കുക. കാപ്സിക്കത്തിന്റെ അരി എടുക്കണമെങ്കില്‍ എടുക്കാം. വേണ്ടെങ്കില്‍ വേണ്ട. ഇഞ്ചിയും വെള്ളുള്ളിയും ഒരുമിച്ച് ചതച്ച് പേസ്റ്റാക്കിവയ്ക്കണം. അതു റെഡിമെയ്‌ഡ് ഉണ്ടെങ്കില്‍ അതും മതി.
പട്ടയും, ഏലയ്ക്ക തൊലികളഞ്ഞെടുത്തതും, ഗ്രാമ്പൂവും കൂടെ പൊടിച്ചുവയ്ക്കുക. ഗരം മസാല കിട്ടുന്നതില്‍ വേറെയും ഓരോന്നുണ്ടാവും. ഇഷ്ടമാവുമെങ്കില്‍ അതു ചേര്‍ത്താലും മതി.
ഒരു പാത്രത്തില്‍ നെയ്യ് കുറച്ച് ചൂടാക്കി, ഉള്ളി വഴറ്റുക. നല്ലപോലെ ബ്രൌണ്‍ നിറം വരുമ്പോള്‍, വേറെ പാത്രത്തിലേക്ക് മാറ്റുക. കാപ്സിക്കം എടുത്ത് നെയ്യൊഴിച്ച് വഴറ്റുക. അത് വെന്തുവരും. അതിലേക്ക് മാറ്റിവെച്ചിരിക്കുന്ന ഉള്ളിയും എടുത്തിടുക. നെയ്യ് കുറച്ചുകൂടെ ഒഴിക്കണമെങ്കില്‍ ഒഴിക്കുക. ഇഞ്ചി- വെളുത്തുള്ളിപ്പേസ്റ്റും, ജീരകവും, മഞ്ഞള്‍പ്പൊടിയും, മസാല പൊടിച്ചതും ഇട്ടിളക്കുക. കുറച്ച് മാത്രം ഉപ്പിടുക. ചോറില്‍ ഉപ്പ് ഉള്ളത് ഓര്‍മ്മിക്കുക. ചോറും ഇട്ട് നന്നായി യോജിപ്പിച്ചതിനുശേഷം വാങ്ങിവെച്ച് മല്ലിയില ചെറുതായി മുറിച്ച് ഇടുക. സാലഡ് ഉണ്ടാക്കിയാല്‍ മതി കൂടെക്കഴിക്കാന്‍. പപ്പടവും.
വേണമെങ്കില്‍ ഇഞ്ചി-വെളുത്തുള്ളിപ്പേസ്റ്റിന്റെ അളവോ, മസാലപ്പൊടിയുടെ അളവോ കൂട്ടാവുന്നതാണ്. എരിവു കൂട്ടാന്‍.
ആദ്യം തന്നെ പനീര്‍, കഷണങ്ങള്‍ അല്ലെങ്കില്‍ ചിത്രത്തില്‍ കാണുന്ന വലുപ്പത്തില്‍ മുറിച്ച്, പത്ത് കഷണം എടുത്ത് എണ്ണയിലിട്ട് വറുത്തെടുക്കുക. ഞാന്‍ കടയില്‍ നിന്ന് കഷണമായിട്ടുള്ളത് വാങ്ങിയതുകൊണ്ട്, അതു വറുത്തെടുത്തു. പനീര്‍ വറുക്കാന്‍ സണ്‍‌ഫ്ലവര്‍ എണ്ണയാണ് ഇവിടെ ഉപയോഗിക്കാറുള്ളത്. അരി കഴുകിവൃത്തിയാക്കി, ഉപ്പും ഇട്ട് വേവിച്ചുവച്ചു. സവാളയും കാപ്സിക്കവും കനം കുറച്ച് നീളത്തില്‍ മുറിച്ചുവയ്ക്കുക. കാപ്സിക്കത്തിന്റെ അരി എടുക്കണമെങ്കില്‍ എടുക്കാം. വേണ്ടെങ്കില്‍ വേണ്ട. ഇഞ്ചിയും വെള്ളുള്ളിയും ഒരുമിച്ച് ചതച്ച് പേസ്റ്റാക്കിവയ്ക്കണം. അതു റെഡിമെയ്‌ഡ് ഉണ്ടെങ്കില്‍ അതും മതി.
പട്ടയും, ഏലയ്ക്ക തൊലികളഞ്ഞെടുത്തതും, ഗ്രാമ്പൂവും കൂടെ പൊടിച്ചുവയ്ക്കുക. ഗരം മസാല കിട്ടുന്നതില്‍ വേറെയും ഓരോന്നുണ്ടാവും. ഇഷ്ടമാവുമെങ്കില്‍ അതു ചേര്‍ത്താലും മതി.
ഒരു പാത്രത്തില്‍ നെയ്യ് കുറച്ച് ചൂടാക്കി, ഉള്ളി വഴറ്റുക. നല്ലപോലെ ബ്രൌണ്‍ നിറം വരുമ്പോള്‍, വേറെ പാത്രത്തിലേക്ക് മാറ്റുക. കാപ്സിക്കം എടുത്ത് നെയ്യൊഴിച്ച് വഴറ്റുക. അത് വെന്തുവരും. അതിലേക്ക് മാറ്റിവെച്ചിരിക്കുന്ന ഉള്ളിയും എടുത്തിടുക. നെയ്യ് കുറച്ചുകൂടെ ഒഴിക്കണമെങ്കില്‍ ഒഴിക്കുക. ഇഞ്ചി- വെളുത്തുള്ളിപ്പേസ്റ്റും, ജീരകവും, മഞ്ഞള്‍പ്പൊടിയും, മസാല പൊടിച്ചതും ഇട്ടിളക്കുക. കുറച്ച് മാത്രം ഉപ്പിടുക. ചോറില്‍ ഉപ്പ് ഉള്ളത് ഓര്‍മ്മിക്കുക. ചോറും ഇട്ട് നന്നായി യോജിപ്പിച്ചതിനുശേഷം വാങ്ങിവെച്ച് മല്ലിയില ചെറുതായി മുറിച്ച് ഇടുക. സാലഡ് ഉണ്ടാക്കിയാല്‍ മതി കൂടെക്കഴിക്കാന്‍. പപ്പടവും.
വേണമെങ്കില്‍ ഇഞ്ചി-വെളുത്തുള്ളിപ്പേസ്റ്റിന്റെ അളവോ, മസാലപ്പൊടിയുടെ അളവോ കൂട്ടാവുന്നതാണ്. എരിവു കൂട്ടാന്‍.
2 comments:
സൂ വേച്ചീ,
ഇതൊന്ന് പരീക്ഷിച്ചിട്ട് തന്നെ ബാക്കി കാര്യം...
എന്തായാലും വിവരണത്തില്‍ നിന്നും ഉണ്ടാക്കാന്‍ അത്ര ബുദ്ധിമുട്ടുണ്ടെന്ന് തോന്നുന്നില്ല...
:)
ഹരിശ്രീ :) പരീക്ഷിക്കൂ.
Post a Comment