കടലക്കറി

കടല ഒരു കപ്പ് എടുത്ത് കഴുകിവൃത്തിയാക്കി വെള്ളത്തിലിട്ട് അഞ്ചാറ് മണിക്കൂര്‍ കുതിര്‍ത്തിയെടുക്കുക. മഞ്ഞളിട്ട് വേവിയ്ക്കണം.

മൂന്ന് ടീസ്പൂണ്‍ തേങ്ങ ചിരവിയത് നന്നായി വറുക്കുക. അതിനുശേഷം ഒന്നര ടീസ്പൂണ്‍ മല്ലിയും, രണ്ട് ചുവന്ന മുളകും വറുക്കുക. വറുക്കുമ്പോള്‍ കുറച്ച് വെളിച്ചെണ്ണയൊഴിച്ചാല്‍ മതി. നന്നായി അരയ്ക്കുക. വെന്ത കടലയില്‍ ഉപ്പുമിട്ട്, തേങ്ങയും കൂട്ടിയതിനുശേഷം തിളപ്പിക്കുക. വാങ്ങിവെച്ച് വറവിടുക.

പുട്ടിന്റെ കൂടെ, ചപ്പാത്തിയുടെ കൂടെ, ദോശയുടെ കൂടെ, അപ്പത്തിന്റെ കൂടെ, എന്തിന്റെ കൂടെയാണെന്നുവെച്ചാല്‍ കഴിക്കുക. മല്ലിയുടേയും മുളകിന്റേയും അളവ് നിങ്ങളുടെ പാകമനുസരിച്ച് കൂട്ടുകയോ കുറയ്ക്കുകയോ ചെയ്യാം.