മുളകാക്കറി

കുറച്ച് പച്ചമുളക് രണ്ടാക്കി മുറിച്ചെടുക്കുക. പുളി കുറച്ചെടുത്ത് വെള്ളത്തിലിട്ട് പിഴിഞ്ഞ് വെള്ളം എടുക്കുക.

അതില്‍ ഉപ്പും മഞ്ഞള്‍പ്പൊടിയും, ഇട്ട്, പുളി വെള്ളം ചേര്‍ത്ത് തിളപ്പിച്ചെടുക്കുക. വെന്താല്‍ ശര്‍ക്കരയും കുറച്ച് ഇടണം. പച്ചമുളക് വെന്തുചീഞ്ഞുപോകരുത്. വെന്തുകഴിഞ്ഞാല്‍ വെള്ളം ഉണ്ടാവും. മുഴുവനായി വറ്റിയ്ക്കരുത്. കറിവേപ്പില, കടുക്, ചുവന്ന മുളക്, വെളിച്ചെണ്ണയില്‍ മൊരിച്ചിടുക.

കുറച്ച് ദിവസം കേടാകാതെ ഇരിക്കും. ഫ്രിഡ്ജിലും വെക്കാം.

കറിയായിട്ട് ഉപയോഗിക്കുന്ന സമയം മാത്രം കുറച്ച് എടുത്ത്, അതില്‍ തേങ്ങയും കടുകും ചേര്‍ത്ത് നന്നായി അരച്ച് ചേര്‍ക്കുക. ഉപ്പും വേണമെങ്കില്‍ അല്‍പ്പംകൂടെ ചേര്‍ക്കാം.

സാവൂനരി വട

സാവൂനരി വട ഉണ്ടാക്കാന്‍ വല്യ വിഷമം ഒന്നുമില്ലെന്ന് കരുതുക. (ഹും...വിഷമം ആയാലും സഹിച്ചൂടേ? തിന്നാനല്ലേ?)

സാവൂനരി, സാഗോ (Sago), സാബൂദന ഒരു കപ്പ്, അല്ലെങ്കില്‍ രണ്ട് കപ്പ് എടുത്ത് വെള്ളത്തിലിട്ട് വയ്ക്കുക. മൂന്ന് മണിക്കൂര്‍ മതിയാവും. അത് കുതിര്‍ന്നുവരും. അര കപ്പ് ആയാലും മതി. പരീക്ഷണം കഴിഞ്ഞിട്ട് വല്യ തോതില്‍ മതി.

സാവൂനരി - ഒരു കപ്പ്, മൂന്ന് മണിക്കൂര്‍ വെള്ളത്തിലിട്ട് കുതിര്‍ക്കുക. വെള്ളം ഊറ്റിക്കളഞ്ഞ് എടുക്കുക.

ഉരുളക്കിഴങ്ങ് 2 (രണ്ട്) എണ്ണം വേവിച്ച് തൊലികളഞ്ഞ് നന്നായി ഉടച്ചെടുക്കുക.

പച്ചമുളക് രണ്ടെണ്ണം ചെറുതായി വട്ടത്തിലരിഞ്ഞെടുക്കുക.

ഉപ്പ് പാകം പോലെ ഇടുക.

മുളകുപൊടി കാല്‍ ടീസ്പൂണ്‍ ചേര്‍ക്കുക. വേണ്ടെങ്കില്‍ ഒഴിവാക്കാം.

റവ ഒരു ടേബിള്‍സ്പൂണ്‍ ചേര്‍ക്കുക. പഞ്ചസാര രണ്ട് ടീസ്പൂണ്‍ ചേര്‍ക്കുക. മൊരിഞ്ഞ് വരും.

മല്ലിയിലയും കറിവേപ്പിലയും അരിഞ്ഞ് ചേര്‍ക്കുക.

എല്ലാം കൂടെ നന്നായി യോജിപ്പിക്കുക. സാവൂനരിയിലെ വെള്ളം മുഴുവന്‍ പോയി എന്നുറപ്പുവരുത്തിയിട്ടേ, ബാക്കിയുള്ളതൊക്കെ ചേര്‍ക്കാവൂ.

പാചക എണ്ണ ചൂടാക്കിയ ശേഷം, വടയുടെ ആകൃതിയില്‍ പരത്തിവെച്ച് വറുത്തെടുക്കുക.

ഇഞ്ചി അരിഞ്ഞ് ചേര്‍ക്കാം. ചെറിയ ഉള്ളിയോ സവാളയോ ചേര്‍ക്കാം.

ഇഞ്ചി ചട്ണിയുടെ കൂടെ കഴിക്കുക.

ഇതിനു വേണ്ട ഇഞ്ചി ചട്ണിയുണ്ടാക്കുന്നത് ഇങ്ങനെ

തേങ്ങ ചിരവിയെടുക്കുക. ഉപ്പ് ഇടുക. ഇഞ്ചി ഒരു വല്യ കഷ്ണം എടുത്ത്, ചെറുതായരിഞ്ഞ് മിക്സിയില്‍, തേങ്ങയുടെ കൂടെ ഇടുക. (മിക്സി കേടാവാതിരിക്കാന്‍ ഇഞ്ചി കഷ്ണം ആക്കി ഇടുന്നതാവും നല്ലത്). നന്നായി അരച്ചുകഴിഞ്ഞാല്‍ രണ്ട് ടേബിള്‍സ്പൂണ്‍ തൈര്‍ ചേര്‍ക്കുക. മുളകും മുളകുപൊടിയും ഒന്നും വേണ്ട. വടയില്‍ ഉണ്ടല്ലോ.

വട ചൂടോടെ ഈ ചട്ണി കൂട്ടി കഴിക്കുക.

(എങ്ങനെയുണ്ട് വട?

എങ്ങനെ തോന്നി?

ങേ...ഇങ്ങോട്ട് ചോദിക്കുന്നോ?

കുട്ടാ, സംഗതികള്‍ വല്യ കൊഴപ്പമില്ല.

പിന്നെ?

ശ്രുതി അവിടവിടെ പോയിട്ടുണ്ട്.

ശ്രുതിയോ? വടയിലോ?

അല്ല ഉപ്പ്. എന്നാലും മൊത്തത്തില്‍ കൊള്ളാം.)

(സംഗീതപരിപാടി കണ്ട്കണ്ട് ഇങ്ങനെ ആയി. എന്താ ചെയ്യ? ;)

പപ്പടം - pappad

പപ്പടം പടപടം.

പപ്പടമില്ലാത്ത സദ്യയുണ്ടോ? പുട്ടും പപ്പടവും തിന്നാത്ത ആള്‍ക്കാരുണ്ടോ? പായസത്തിന്റെ കൂടെയൊരു പപ്പടവും ആകാം എന്ന് പറയാത്തവരുണ്ടോ? ചുട്ട പപ്പടം, കഞ്ഞിയുടെ കൂടെ രുചിയാണെന്ന് അറിയാത്തവരുണ്ടോ? ഉണ്ടാവും. പക്ഷെ, പപ്പടം എനിക്കിഷ്ടമല്ലെന്ന് പറയുന്നവരും ഉണ്ടാകും. പക്ഷെ ഭൂരിപക്ഷവും, പപ്പടക്കൊതിയന്മാരും കൊതിച്ചികളുമാണ്.

ഇത് നിങ്ങള്‍ എന്നും കഴിക്കുന്ന പപ്പടമല്ല. എന്നാല്‍ ഉണ്ടാക്കിയാല്‍ എന്നും കഴിക്കാം. കുറച്ച് നേരം ജോലിയുണ്ട്. ശ്രമിച്ചാല്‍ ചെയ്യാം. അതുകഴിഞ്ഞ് വറുത്തെടുത്ത് കറുമുറാ തിന്നുമ്പോള്‍ ചെയ്ത അധ്വാനത്തിന് ഫലമായി. നിങ്ങള്‍ക്ക് അല്പം സമയമുണ്ടെങ്കില്‍, അല്ലെങ്കില്‍ വീട്ടുകാര്‍ക്ക് അല്‍പ്പം സമയമുണ്ടെങ്കില്‍ ചെയ്യാവുന്നതേയുള്ളൂ.

കുറച്ച് പച്ചരി വെള്ളത്തിലിടുക. വളരെക്കുറച്ച് സാവൂനരിയും(സാബൂനരി- sabudana) വെള്ളത്തിലിടുക. ഒരു ഗ്ലാ‍സ് അരിയ്ക്ക് രണ്ട് ടീസ്പൂണൊക്കെ മതിയാകും സാവൂനരി. നാലഞ്ച് മണിക്കൂര്‍ കഴിഞ്ഞ് അരയ്ക്കുക. രണ്ടുംകൂടെ. പേസ്റ്റ് പോലെയേ ഉണ്ടാകാവൂ. ഉപ്പും ഇടുക. അതിനൊപ്പം തന്നെ, അല്‍പ്പം മുളകുപൊടിയും, കായവും, കറുത്ത എള്ളും ഇടുക. അതൊക്കെ ഏകദേശം കണക്കാക്കി ഇടുക. ജീരകവും ഇഷ്ടമാണെങ്കില്‍ ചേര്‍ക്കുക. വെറുതെ തിന്നാനും ഇത് എടുക്കുന്നതുകൊണ്ട് മുളകുപൊടി അല്‍പ്പം മതി. ഒക്കെക്കൂടെ യോജിപ്പിക്കുക. നിങ്ങള്‍ കുറച്ച് കറിവേപ്പിലയും മുറിച്ചിട്ടോന്നെ. കിടക്കട്ടെ. ഒക്കെ മിതമായി ഇട്ടാല്‍ മതി. പിന്നെ മാറ്റാന്‍ പറ്റില്ലല്ലോ.

അതൊക്കെക്കഴിഞ്ഞ്, ഒരു സ്റ്റാന്‍ഡ് ഉണ്ട്. അതെടുക്കുക. അതിനെവിടെപ്പോവും എന്ന് വിചാരിക്കരുത്. അതില്ലെങ്കില്‍ നിങ്ങള്‍ പ്ലേറ്റിലോ മറ്റോ പരത്തി വെച്ചാലും മതി.

സ്റ്റാന്‍ഡ് ഉണ്ടെങ്കില്‍, അതിന്റെ ഓരോ തട്ടിലായി, വട്ടത്തില്‍, നേര്‍മ്മയായി, ഈ കൂട്ട് പരത്തുക.

എന്നിട്ട് സ്റ്റാന്‍ഡില്‍ വെച്ച്, സ്റ്റാന്‍ഡ്, ഒരു ഇഡ്ഡലിപ്പാത്രത്തിലോ, കുക്കറിലോ, വേറെ എന്തെങ്കിലും പാത്രത്തിലോ വെച്ച് നല്ലപോലെ ആവികയറ്റി വേവിക്കുക. പാകമായാല്‍ എടുത്ത്, കുറച്ചുകഴിഞ്ഞാല്‍, ഓരോന്നായി വിട്ടുപോരും. ഇങ്ങനെ ഉണ്ടാവും.

എന്നിട്ട് വെയിലത്ത് വെച്ച് ഉണക്കിയുണക്കിയുണക്കിയെടുക്കുക. വെയിലിനെവിടെപ്പോവും, ഇതിനൊക്കെ ആര്‍ക്ക് നേരം എന്നൊന്നും ഓര്‍ത്ത് വിഷമിക്കരുത്. കൂടുതല്‍ ദിവസം വയ്ക്കണം എന്നില്ലെങ്കില്‍, കുറച്ച് മാത്രം ഉണ്ടാക്കിയെടുത്ത് അപ്പപ്പോ തിന്ന് തീര്‍ക്കാനാണെങ്കില്‍, ആവിയില്‍ വെന്തു കഴിഞ്ഞാല്‍, ഫാനിന്റെ ചുവട്ടില്‍ വച്ച് ഉണക്കിയെടുത്താല്‍ മതി. പക്ഷെ വെയിലത്ത് ഉണക്കിയെടുക്കുന്നതുപോലെ കുറേ ദിവസം സൂക്ഷിച്ച് വെക്കാന്‍ പറ്റില്ല. ഫാനിന്റെ കാറ്റില്‍ ഉണക്കിയെടുത്താല്‍, വേഗം തന്നെ വറുത്ത് തിന്നണം.

ചായയുടെ കൂടെയും, ചോറിന്റെ കൂടേയും ഒക്കെ കഴിക്കാം. നിങ്ങള്‍ ഉണ്ടാക്കിയെടുത്തു എന്നതു തന്നെ വല്യ കാര്യമല്ലേ.

കാരറ്റ് ചട്ണി

കാരറ്റ് ആരോഗ്യത്തിന് നല്ലതാണ്. വിറ്റാമിന്‍ എ അടങ്ങിയിട്ടുള്ള കാരറ്റ് കണ്ണുകള്‍ക്ക് നല്ലതാണ്. സൌന്ദര്യവര്‍ദ്ധനവസ്തുവായിട്ടും ഉപയോഗിക്കാം. മുഖത്തൊക്കെ തേച്ചാല്‍ നന്നായിരിക്കും. പ്രത്യേകിച്ച്, കടം വാങ്ങിയത് തിരിച്ചുവാങ്ങാന്‍ വരുന്നവരുടെ മുന്നില്‍. ;)

കാരറ്റ്, വിവിധ കറികളില്‍ ഉപയോഗിക്കാം. സാമ്പാറില്‍, മസാലക്കറിയില്‍, എരിശ്ശേരിയില്‍. പിന്നെ കാരറ്റ് ജ്യൂസ് ദിവസവും കുടിച്ചാല്‍ തൊലിക്ക് തിളക്കം കൂടുമെന്ന് പറയപ്പെടുന്നു. ഹല്‍‌വയുണ്ടാക്കിത്തിന്നുകയാണെങ്കില്‍ വണ്ണവും കൂടും. പായസവും വെച്ച് കുടിക്കാം.

കാരറ്റ് ദിവസവും തിന്നുന്നത്, മൊത്തത്തില്‍ ആരോഗ്യത്തിന് നല്ലതെന്ന് ചുരുക്കം. മസാലയും, പഞ്ചസാരയും ഒന്നും ഇല്ലാതെ.

കാരറ്റ് ചട്ണി, അല്ലെങ്കില്‍ ചമ്മന്തി പലതരത്തിലും ഉണ്ടാക്കാം. ഇവിടെ ഉണ്ടാക്കിയത്, തേങ്ങയുടെ കൂടെ ചേര്‍ത്താണ്.

ഒരു മുറിത്തേങ്ങ ചിരവിയെടുക്കുക.

കാരറ്റ് 3 എണ്ണം പുറമെനിന്ന് കുറച്ച് തൊലി കളഞ്ഞ്, ചെറുതായി മുറിക്കുക. മിക്സിയില്‍ അപ്പാടെ ഇടുന്നതിന് ബുദ്ധിമുട്ടില്ലെങ്കില്‍ അങ്ങനെയും ആവാം. ;)

വറ്റല്‍ മുളക് - 5- 6 എണ്ണം

ഉപ്പ്- പാകത്തിന്.

കറിവേപ്പില - കുറച്ച്

എല്ലാം കൂടെ അരച്ചെടുക്കുക. എന്നാല്‍ ചിത്രത്തില്‍ കാണിച്ചിരിക്കുന്നത് ആയി.

മുളക് കൂടുതലോ കുറച്ചോ ചേര്‍ക്കുക. നിങ്ങളുടെ ആവശ്യം പോലെ. ഒരു മുറിത്തേങ്ങയുടേത് കുറേ ഉണ്ടാവും. അളവ് കുറച്ച് പരീക്ഷിക്കുക.

ഇനി, പച്ച മുളക്, ഇഞ്ചി, ചേര്‍ത്ത്, അല്പം മാത്രം തേങ്ങ ചേര്‍ത്ത് ഉണ്ടാക്കാം.

വെളുത്തുള്ളിയും വേണമെങ്കില്‍ കൂടെ ചേര്‍ക്കാം.

തേങ്ങ ചേര്‍ക്കാതെ, കാരറ്റ്, വറ്റല്‍ മുളക്, കറിവേപ്പില, ചെറിയ ഉള്ളി ചേര്‍ത്ത് ഉണ്ടാക്കാം.

കാരറ്റും പച്ചമാങ്ങയും, കറിവേപ്പിലയും, ഉപ്പും ഇട്ട് ഉണ്ടാക്കാം.

പുളി ചേര്‍ത്തും ഉണ്ടാക്കാം.

തേങ്ങ ഉണ്ടായാല്‍ നല്ലത്. മധുരമുള്ളതും അല്ലാത്തതും ഉണ്ട്. കുഴപ്പമില്ല. കുറച്ചൊരു കയ്പ്പ് വരും ചിലതിന്. സാരമില്ല.

വെള്ളം ഒരു രീതിയിലും ചേര്‍ക്കേണ്ട കാര്യം ഇല്ല.

ചേമ്പ് ഓലന്‍

ചേമ്പ്, കിഴങ്ങുവര്‍ഗ്ഗത്തില്‍ ഉള്ള ഒന്നാണ്. ചെറുതും വലുതും ഉണ്ട്. വീട്ടിലും വളര്‍ത്തിയെടുക്കാം. പലതരം കറികളും ഉണ്ടാക്കാം. പല കറികളിലും, വേറെ, പച്ചക്കറികളുടെ കൂടെ ഇടുകയും ചെയ്യാം.

ചേമ്പ് ഓലന്‍ വളരെ എളുപ്പത്തില്‍ ഉള്ള ഒരു കറിയാണ്. ചേമ്പ് ഇഷ്ടമുള്ളവര്‍ക്ക് ഇഷ്ടപ്പെടും.

ചേമ്പിന്റെ തോലുകളഞ്ഞ്, ഒന്ന് കഴുകുക. തൊലി കളയുമ്പോള്‍ മണ്ണ് പറ്റിയിട്ടുണ്ടെങ്കില്‍, അത് പോകും. അതിനുശേഷം ചെറുതായി മുറിച്ച്, നല്ലപോലെ കഴുകിയെടുക്കുക. കുറച്ച് പച്ചമുളക് നീളത്തില്‍ മുറിച്ചിടുക. എരിവ് വരാന്‍ മാത്രം. ഉപ്പും പാകം പോലെ ഇട്ട് വെള്ളമൊഴിച്ച് വേവിക്കുക. വെന്ത് കഴിഞ്ഞാല്‍ അധികം വെള്ളമില്ലാതെ ഇരിക്കണം. തീരെ ഇല്ലാതെയും ആവരുത്. വെന്ത് കഴിഞ്ഞാല്‍, കുറച്ച് തേങ്ങ ചിരവിയിടുക. കുറച്ച് വെളിച്ചെണ്ണയും, ഒഴിക്കുക. നിര്‍ബ്ബന്ധമില്ല.

ഗുലാബ് ജാമൂന്‍

ജാമൂന്‍ അഥവാ ജാമുന്‍ പലതരത്തിലും ഉണ്ടാക്കാം. മൈദയില്‍ പാല്‍പ്പൊടി ചേര്‍ത്ത് ഉണ്ടാക്കാം, പാലു കുറുക്കിവറ്റിച്ച് മൈദയില്‍ ചേര്‍ത്ത് ഉണ്ടാക്കാം, അരിപ്പൊടി കൊണ്ട് അരി ജാമൂനും ഉണ്ടാക്കാം. പക്ഷെ, ഒരു പായ്ക്കറ്റ്, ജാമൂന്‍ ഉണ്ടാക്കുന്ന പൊടി വാങ്ങുക, കുഴയ്ക്കുക, ഉരുട്ടുക, വറുക്കുക, പഞ്ചസാരപ്പാനിയില്‍ ഇടുക, മൃദുവായാല്‍ തിന്നുക. എളുപ്പം.
ഞാന്‍ അങ്ങനെയാണ് പലപ്പോഴും ചെയ്യുക. ഇരുന്നൂറു ഗ്രാം പൊടി വാങ്ങുക. 3-4 സ്പൂണ്‍ നെയ്യ് ചേര്‍ത്ത്, അല്പം വെള്ളം അല്ലെങ്കില്‍ പാല്‍ ചേര്‍ത്ത് കുഴയ്ക്കുക. ചപ്പാത്തിക്ക് മാവ് കുഴച്ചതുപോലെ ഉണ്ടാവണം. പൊറോട്ടയ്ക്ക് അടിച്ചുകുഴക്കുന്നതുപോലെയൊന്നും ചെയ്യരുത്. കുറേ നേരമൊന്നും വേണ്ട. പൊടി കുഴച്ച് വെച്ചതിനു ശേഷവും കുറേ നേരം പാകം വരട്ടെ എന്നും വിചാരിച്ച് ഇരിക്കരുത്. കുഴയ്ക്കുന്നതിനുമുമ്പ്, പഞ്ചസാരപ്പാനി തയ്യാറാക്കിവെക്കുക. പൊടിയുടെ അളവില്‍ നിന്ന് ഒരു കപ്പ് കൂടെ അധികം മതിയാവും പഞ്ചസാര. പായ്ക്കറ്റില്‍ കൊടുത്തിരിക്കുന്ന അത്രയും ആവശ്യമുണ്ടോയെന്ന് ഒരു പ്രാവശ്യം തയ്യാറാക്കി നോക്കിയാലേ അറിയൂ. പഞ്ചസാര എടുത്ത് അല്‍പ്പം വെള്ളം ചേര്‍ത്ത്, അടുപ്പില്‍ വെച്ച് പാനിയാക്കുക. അടുപ്പത്ത് വെച്ച് വേറെ ജോലിക്ക് പോയാല്‍, അത് വളരെ കട്ടി ആയി, ജാമുന്‍ അതിലിട്ടാലും മൃദു ആവാതെ ഇരിക്കും. അതുകൊണ്ട് വെള്ളത്തില്‍ പഞ്ചസാര അലിയുന്ന സമയം വരെ അടുപ്പത്ത് വെച്ചാല്‍ മതി. ആദ്യം പഞ്ചസാരപ്പാനി തയ്യാറാക്കി വെക്കുക.

പൊടി കുഴച്ച്, ചെറുതോ വലുതോ, നിങ്ങളുടെ സൌകര്യം‌പോലെ, ഉരുളകളാക്കി, വറുത്തെടുക്കുക. നെയ്യോ എണ്ണയോ ഉപയോഗിക്കാം വറുത്തെടുക്കാന്‍. വറുത്തെടുത്ത്, ഉരുളകള്‍ പഞ്ചസാരപ്പാനിയില്‍ ഇട്ട് വെക്കുക. പെട്ടെന്ന് കഴിച്ചാലും കുഴപ്പമൊന്നുമില്ല. പക്ഷെ കുറച്ചുനേരം കഴിഞ്ഞാല്‍, നല്ലപോലെ മൃദുവായി, മധുരം വന്നിരിക്കും. വറുക്കുമ്പോള്‍, അധികം തീയില്‍, വെച്ച്, പുറംഭാഗം മാത്രം വേഗം വെന്താല്‍, ഉള്ളില്‍ മാവ് അതേപടി ഇരിക്കും. അതുകൊണ്ട്, സാവകാശം, വറുത്തെടുക്കുക. പിന്നെ കാലാ ജാമൂന്‍ എന്നു പറയുന്നത്, നമ്മള്‍ കരിച്ചുമൊരിച്ച് ഉണ്ടാക്കുന്നതിനെയാണെന്ന് പറഞ്ഞുനടക്കാം. അത്രയേ ഉള്ളൂ ;) അത് വാസ്തവത്തില്‍ വേറെ രീതിയാണ്. ഇതില്‍ത്തന്നെ ചിലത് നിറം മാറി, കരിഞ്ഞപോലെ ഉണ്ട്.

ഇന്ന് ഈ കറിവേപ്പിലയുടെ ഒന്നാം പിറന്നാള്‍. നിങ്ങള്‍ എല്ലാവരും ഇതുവരെ തന്ന എല്ലാ പ്രോത്സാഹനങ്ങള്‍ക്കും ഒരുപാട് നന്ദി. അത് തുടര്‍ന്നും ഉണ്ടാവുമെന്ന് പ്രതീക്ഷിക്കുന്നു.

അമ്പത് പോസ്റ്റ് തികഞ്ഞപ്പോള്‍, ചേട്ടന്റെ വകയുള്ള സമ്മാനം ആണ് പ്ലേറ്റ് സെറ്റ്. ഏറ്റവും മുകളിലെ ചിത്രത്തില്‍ അതിലൊന്ന്. ഒരുവര്‍ഷം തികഞ്ഞ സ്ഥിതിയ്ക്ക് മൈക്രോവേവ് അവന്‍(ഓവന്‍?) വാങ്ങിത്തരുമായിരിക്കും. ;) സമ്മാനം ആവശ്യപ്പെടാന്‍ പറ്റില്ലല്ലോ. ഹി ഹി ഹി.

Protest against plagiarisation of Yahoo ! യാഹൂവിന്റെ ചോരണമാരണത്തില്‍ പ്രതിഷേധം. list of articles and protests in blogs.

(ലോഗോ- കടപ്പാട് - ഹരീ)


copyrightviolations.blogspot.com

Bloggers protest against Yahoo!-Inji Pennu



Lawyers' Opinion


ചിത്രങ്ങള്‍





1)യാഹൂവിന്റെ ബ്ലോഗ് മോഷണം-ഹരീ


2) ഞങ്ങള് പ്രതിഷേധിക്കുന്നു (Bloggers Protest)- കൃഷ്


3) yahoo-india-corporate-hypocrisy- ഇടങ്ങള്‍


4) protest-event-against-yahoo-ഇഞ്ചിപ്പെണ്ണ്


5) and-yahoo-counsels-us-to-respect- ദേവരാഗം

6) content-theft-by-yahoo-shame-shame- കെവിന്‍സിജി

7) protest-against-yahoo-india- സപ്തവര്‍ണങ്ങള്‍

8) yahoo-indias-dirty-play- വിഷ്ണുപ്രസാദ്

9) yahoos-copyright-infringement- കൈപ്പള്ളി

10) യാഹൂ ഇന്ത്യയുടെ മോഷണത്തിനെതിരെ എന്റെ പ്രതിഷേധം - മണിനാദം

11) yahoo-should-apologize-സാരംഗി

12) Yahoo! shame shame - -സു-സുനില്‍

13) യാഹൂ മോഷണം. My protest against plagiarisation of Yahoo India-മണി

14) ബ്ലോഗ് മോഷണം, എന്റെ പ്രതിഷേധം - ശ്രീജിത്ത്‌

15) യാഹൂ മാപ്പ് പറയുക - കൈതമുള്ള്


16) My protest against plagiarisation of Yahoo India-പടിപ്പുര

17) March 5th, 2007: Protest against plaigarism by Yahoo! India-സതീഷ്

18) My protest against plagiarisation of Yahoo India! യാഹൂവിന്റെ ചോരണമാരണത്തില്‍ എന്റെ പ്രതിഷേധം-അങ്കിള്‍

19) ബ്ലോഗര്‍വിജയം - ഒന്നാം ദിവസം അഥവ യാഹൂവധം തുള്ളല്‍- പി. ശിവപ്രസാദ്


20) മാര്‍ച്ച് 5 - പ്രതിഷേധ ദിനം - നന്ദു

21) യാഹുവിനെതിരെ - JamesBright

22) My protest against plagiarisation of Yahoo India- Chethana


23) യാഹൂ! ഇന്ത്യ പോര്‍ട്ടല്‍ ഉള്ളടക്കതിനെതിരായ പ്രതിഷേധം-കണ്ണൂസ്

24) യാഹുവിന്റെ ബ്ലോഗ് പൈറസിക്കെതിരെ -Kiranz

25) കടന്നല്‍കൂട്ടത്തില്‍ കല്ലെറിയരുതേ...-വിശ്വപ്രഭ

26) അകവും പുറവും - ബ്ലോഗ്കളവ് കാര്‍ട്ടൂണ്‍ -2 - അലിഫ് /alif

27) രണ്ടായിരത്തിഏഴ്‌ മാര്‍ച്ച്‌ അഞ്ച്‌ പ്രതിഷേധ ദിനം - keralafarmer

28) കോപ്പിയടിക്കപ്പുറം -സിബു

29) കക്കാനും നില്‍ക്കാനും പഠിച്ചവര്‍ -സന്തോഷ്

30) യാഹൂവിന്റെ ചോരണമാരണത്തില്‍ എന്റെ പ്രതിഷേധം - സു Su


31) Remove Plagiarism - Sandeepa

32) content-lift- indosungod

33) യാഹുവിന്റെ ബ്ലോഗ് പൈറസിക്കെതിരെ!- Sul സുല്‍

34) Tamil News

35 globalvoicesonline

36) webpronews

37) watblog


38) manoramaonline

39) മാതൃഭൂമി

40) indian-bloggers-protest-against-yahoos Appol Shari - അപ്പോള്‍ ശരി

41) yaaaaaaaaaa-hoooooooo-protest-against- A Yunus

42) യാ.....ഹൂ....പ്രതിഷേധം (protest)- santhosh balakrishnan


43) MARCH 5, 2007- PROTEST AGAINST YAHOO! INDIA'S PLAGIARISM -MKERALAM


44) പ്രതിഷേധ ദിനത്തിനും മുന്‍പേ!- ഷാനവാസ്‌ ഇലിപ്പക്കുളം

45) http://www.plagiarismtoday.com/2007/02/26/yahoo-plagiarism-protest-scheduled-march-5th


46) indian-bloggers-mad-at-yahoo - Om Malik


47) My protest against plagiarisation of Yahoo India!-നന്ദന്‍


48) My protest against plagiarisation of Yahoo India!-സുഗതരാജ് പലേരി

49) യാഹൂ മാപ്പ് പറയുക.-Balu..,..ബാലു

50) content-theft-by-yahoo-india- www.desipundit.com

51)india-mergers-acquisitions-and-technology-www.globalvoicesonline.org

52)IndianbloggersMadatYahoo-www.discoverion.com

53) indian-bloggers-enraged-at-yahoo-indias-plagiarism- www.indiablogwatch.com

54) malayalam-bloggers-dont-agree-with - mridulasworldisround.blogspot.com

55) plagiarism-yahoo-webdunia-on-blogs -കരീം മാഷ്

56)plagiarism-by-yahoo-india-Krish

57) my-protest-against-plagiarisation-ജ്യോതിര്‍മയി

58) protest-against-plagiarism-ഷിജു അലക്സ്‌

59) protest-against-plagiarism -Thulasi

60) യാഹൂവിന്റെ ചോരണമാരണത്തില്‍ എന്റെ പ്രതിഷേധം-ചേച്ചിയമ്മ

61)എന്റെ പ്രതിഷേധക്കുറിപ്പ്-ഇത്തിരിവെട്ടം©

62)ref-allegation-indiaheritage


63) my-protest-against-plagiarisation-:: രാജീവ് :: rajeev

64)ഒരു പ്രതിഷേധക്കുറിപ്പ് യാഹൂ മോഷണത്തിനെതിരെ-സതീശ് മാക്കോത്ത്

65)യാഹുവിന് എന്തുമാകാമോ?-Prasad S. Nair

66)yahoo-india-content-theft- Reshma

67)പാ‍വം - ക്രൂരന്‍-കുട്ടിച്ചാത്തന്‍

68)yahoo-india-content-theft-our-voices- Rashma

69)Yahoo School Of Plagiarism-മോഷണം.കോം-ബിരിയാണിക്കുട്ടി

70)Protest against Yahoo!/യാഹൂവിനെതിരേ പ്രതിഷേധം-Umesh::ഉമേഷ്

71)ഇന്നു പ്രതിഷേധം ഇന്നലെ കവിത - വിചാരം

72) യാഹൂ മാപ്പ് പറയുക -അജീഷ് പരമേശ്വരന്‍

73)ബ്ലാക്ക് & വൈറ്റ് -ഹരീ

74) my-protest-against-plagiarisation-ബിന്ദു


75)പ്രതിഷേധം -Raghavan P K

76) മ്മ്ടെ Yahoo!ന്റെ കൂവല്‍ -സ്വാര്‍ത്ഥന്‍

77) An architects view towards Yahoo India's blog Content Theft-അലിഫ് /alif

78)corporate-plagiarism - Rags

79) Yahoo, you are already due!- മീനാക്ഷി

80) പ്രതിഷേധം - വല്യമ്മായി

81)പ്രതിഷേധം -തറവാടി

82)യാഹുവിനെ തല്ലിക്കൊല്ലുക - sandoz

83) My protest against plagiarisation of Yahoo India- പൊതുവാള്

84)BOYCOT YAHOO INDIA!!! -KANNURAN - കണ്ണൂരാന്‍

85)പ്രതിഷേധം, വാക്കുകള്‍ക്കതീതമായി - Radheyan

86) യാഹൂ ഇന്ത്യക്കെതിരെ പ്രതിഷേധം-വിശാല മനസ്കന്‍

87) Yahoo! plagiarizing contents from bloggers!!- Lizabeth

88)പ്രതിഷേധം -സിയ↔Ziya

89) my-protest-against-plagiarisation - തുഷാരം

90)നാണം കെട്ട യാഹൂ - ഗായത്രി

91)Plagiarism by Yahoo! India -Arundathi

92)Plagiarism and Yahoo.. Dont you feel ashamed?-ആലപ്പുഴക്കാരന്‍ Alappuzhakaran

93) Protest against plagiarisation of Yahoo India!- പ്രതിഭാസം

94) stop-plagiarism - Aravind Ghosh

95) യാഹൂവിന്റെ ചോരണമാരണത്തില്‍ എന്റെ പ്രതിഷേധം - രമേഷ്

96) Protest aka പ്രതിഷേധം - Siju സിജു

97)What stops you from apologizing to us, Mr. Yahoo!?- parajithan

98) 2007 മാര്‍ച്ച് 05 പ്രതിഷേധ ദിനം -വേണു. venu

99)Yahoo wont apologize to Copyright infringement.- nalan::നളന്‍


100) യാ!..Indian Bloggers' protest against Yahoo's Plagiarism- Peelikkutty

101) Protest against plagiarisation of Yahoo !-ittimalu

102) പ്രതിഷേധത്തിനായ് അണിനിരക്കൂ - മുല്ലപ്പൂ


103) യാഹൂ! ഇന്ത്യയ്‌ക്കെതിരെയുള്ള പകര്‍പ്പവകാശ ലംഘന ആരോപണം - വക്കാരിമഷ്‌ടാ

104)ഞാനും പ്രതിഷേധത്തില്‍ പങ്കുചേരുന്നു!-ശാലിനി

105) വെറുമൊരു മോഷ്ടാവായോരെന്നെ...- സാക്ഷി

106) യാഹുവിന്റെ അഹങ്കാരം!!- നിര്‍മ്മല

107) പ്രതിഷേധക്കുറിപ്പ് -ലാപുട

108)പ്രതിഷേധം-ഷാജുദീന്‍

109)കരി(വേപ്പില)ദിനം- പതാലി

110)My protest against plagiarisation of Yahoo India!-മൃദുല്‍.... MRIDUL

111) യാഹൂ എന്തിനിത് ഞങ്ങളോട്.-നിഷേധി

112) യാഹൂവിനെതിരേ പ്രതിഷേധം -ബിജോയ്‌ മോഹന്‍

113) മോഷണം ഒരു കലയാകുന്നു... ‘യാഹൂ‘ കലാപ്രതിഭയും-വിജി പിണറായി

114) യാഹൂ...... രാഹുവാകരുതു്.-വേണു/Venu

115) മൊത്തം ചില്ലറ ബ്ലോഗില്‍ നിന്നും നടന്ന കളവിനെതിരെ പ്രതിഷേധിക്കുന്നു- അരവിന്ദ് :: aravind

116) പ്രതിഷേധക്കുറിപ്പ്‌ - Siji

117) Yahoo’s Content Theft: A Protest (ചോരസാമ്രാജ്യം)-സന്തോഷ്

118)yahoo-വിനെതിരെ പ്രതിഷേധിക്കുന്നു-ശിശു

119) തമനു - My Protest against the Plagiarism of Yahoo...

120) My protest against plagiarisation of Yahoo India ! -പണിക്കന്‍

121) I Protest against plagiarism commited by Yahoo! -...-ശനിയന്‍ \OvO/ Shaniyan

122) Bloggers Protest against Yahoo! India on March 5th -പ്രിയംവദ

123)yahoo ഇന്റെ മോഷണത്തില്‍ പ്രതിഷേധിക്കുന്നു!Navaneeth

124) കോപ്പിറൈറ്റ് വിവാദം -സിദ്ധാര്‍ത്ഥന്‍

125) എതിര്‍പ്പ് -അഡ്വ.സക്കീന

126) പ്രതിഷേധം!- സ്നേഹിതന്‍

127) യഹൂ‍ൂ‍ൂ‍ൂ.... ഞാനും പ്രതിഷേധിച്ചൂ... -ദൃശ്യന്‍ Drishyan

128) Protest against Yahoo's Plagiarism -കുഞ്ഞന്‍സ്‌

129)പ്രതിഷേധം - കൊച്ചുഗുപ്തന്‍

130) Admit it! -RP

131)Protest against Plagiarism-Annita

132)Yahoo!-चन्द्रशेखरन नायर

133) याहू का विरोध मत करो चन्द्रशेखरन - धुरविरोधी

134) Indian Newspapers, Yahoo India - Stop Stealing from Food Bloggers!-Indira

135)Yahoo India - Now a Disgrace!-Sumitha

136) March 5th - Bloggers protest against plagiarism-archana

137)March against Plagiarism!- Mandira

138) stop plagiarism -Shilpa

139)That is so not fare!-musical

140) Fight Plagiarism!-trupti

141) Protesting Plagiarism- Sakshi

142) Yahoo! New entrant in the Plagiarists Arena -Manisha

143) Stop Plagiarism-Jyothsna

144)Say No to Plagiarism - Sangeeta

145) A United Voice Against Plagiarism -Nupur

146) Protest against Plagiarism- March 5th Event-Madhuli

147) Protest against Plagiarism-dhanya

148)Art heist - Yahoo guilty as charged-Maneka Nirmal

149)Shame on Yahoo!-Kay

150) Stop Plagiarism!- Cooking Memoir

151) കിട്ടും യാഹൂനും കൊട്ട്‌ -സൂര്യോദയം

152)shame-on-you-yahoo-Prasad S. Nair

153) പൂച്ചപുരാണം (മിനികഥ) -സാബി

154)Bloggers accuse Yahoo of plagiarism -Priya Padmanabhan

155) യാഹൂ എന്തു പിഴച്ചൂ കൂട്ടരെ?- ചെമ്പകന്‍

156)യാഹൂപ്പിള്ളേ... മാപ്പു പറഞ്ഞ് മാനം കാക്കടെ-മലമൂടന്‍ മരമണ്ടന്‍

157)യാഹൂ മാപ്പ് പറയുക -എബി ജോന്‍ വന്‍നിലം

പ്രതിഷേധിക്കാം അല്ലേ?

സുഹൃത്തുക്കളേ,



കഥ ഇതുവരെ - ഹരീ




ഒന്നിനും ഒരു പരിഹാരം ആയിട്ടില്ല. ദിവസങ്ങള്‍ എത്രയോ കടന്നുപോയി. ഈ കാര്യത്തില്‍ തെറ്റ് ഉണ്ടായി എന്ന് സ്ഥാപിക്കുന്നതുപോലെ, ആ പോര്‍ട്ടലില്‍ നിന്ന് പോസ്റ്റുകള്‍, നീക്കം ചെയ്തു എന്നല്ലാതെ യാതൊരു നടപടിയും എടുക്കാതെ കൈയും കെട്ടി ഇരിക്കുകയാണ്. ഒരു മാപ്പ് പറയലോ, എന്തിന്, വെറുതെ ഒരു ഖേദപ്രകടനമോ അവരുടെ ഭാഗത്ത് നിന്ന് ഉണ്ടായിട്ടില്ല. ഇത് നീണ്ടുപോവുകയാണ്. ബൂലോഗം മുഴുവന്‍ വിഴുങ്ങിയാലും നമ്മളെല്ലാവരും വെറുതെ വിഡ്ഡികളായി ഇരിക്കേണ്ടി വരും.


നിങ്ങള്‍ എഴുതുന്ന വരികള്‍ക്കും, വാക്കുകള്‍ക്കും, വായനക്കാര്‍ കല്‍പ്പിക്കുന്നതുപോലെ മാന്യതയും കരുതലും നിങ്ങള്‍ക്കുണ്ടെങ്കില്‍, നിങ്ങളറിയാതെ അത് വിറ്റ് കാശാക്കി, ചിലര്‍ കീശ വീര്‍പ്പിച്ച്, നിങ്ങളെ വെല്ലുവിളിച്ച് നടക്കുന്നതില്‍ അപാകതയുണ്ടെന്ന് നിങ്ങള്‍ക്ക് തോന്നുന്നുണ്ടെങ്കില്‍, പ്രതിഷേധിക്കുക.

ഒരു പ്രതിഷേധം നടത്താം നമുക്കൊരുമിച്ച്. അവിടെ പ്രതിഷേധത്തില്‍ പങ്കുചേരുന്നതായി അഭിപ്രായം രേഖപ്പെടുത്തിയ എല്ലാ സുഹൃത്തുക്കള്‍ക്കും നന്ദി.

മാര്‍ച്ച് 5 ന്. എല്ലാവരും തങ്ങളുടെ ബ്ലോഗില്‍ ഒരു പോസ്റ്റ്, ഇംഗ്ലീഷിലോ മലയാളത്തിലോ, ഇട്ട് പ്രതിഷേധത്തില്‍ പങ്കുചേരുമെന്ന് പ്രതീക്ഷിക്കുന്നു.

മലയാളത്തേയും, മലയാളം ബൂലോഗത്തേയും, നിങ്ങളുടെ ഓരോ വാക്കുകളേയും, അത് ചേര്‍ത്ത് വെച്ച് നിങ്ങള്‍, മറ്റുള്ളവരുടെ മുന്നിലേക്കെത്തിക്കുന്ന വരികളേയും, നിങ്ങള്‍ എത്ര മാത്രം വിലമതിക്കുന്നുവെന്ന് ലോകത്തെ അറിയിക്കുക.

നിങ്ങള്‍ ഓരോരുത്തരും, ബ്ലോഗിലൂടെ പങ്ക് വെച്ച സന്തോഷാവസരങ്ങള്‍ക്കും, കൊച്ചുകൊച്ചുനൊമ്പരങ്ങള്‍ക്കും, ബ്ലോഗിലൂടെ മാത്രം നിങ്ങളെ അടുത്തറിഞ്ഞ ബൂലോഗവാസികള്‍ തന്ന സാമീപ്യത്തിനും, സ്വാന്ത്വനത്തിനും നിങ്ങള്‍ വില കല്‍പ്പിച്ചിരുന്നു എന്ന് എല്ലാവരേയും അറിയിക്കുക.



പലരുടേയൂം ബ്ലോഗുകളിലേയും വെബ്സൈറ്റുകളിലേയും അഭിപ്രായങ്ങള്‍ ഇവിടെ കാണാം



കോപ്പിയടിക്കപ്പുറം

കക്കാനും നില്‍ക്കാനും പഠിച്ചവര്‍

കടന്നല്‍കൂട്ടത്തില്‍ കല്ലെറിയരുതേ...

ചന്ദ്രേട്ടന്‍

The inside story!


Dirty dirty games!

എന്നിവയും നിങ്ങള്‍ക്ക് വായിക്കാം.


ഇന്ന് എനിക്ക് വന്നത്, നാളെ വേറൊരാള്‍ക്ക് വരാം, പിന്നെ പലര്‍ക്കും വരാം, അതുകഴിഞ്ഞ് എല്ലാവര്‍ക്കും വരാം. അതുകൊണ്ട് നമ്മുടെ ബൂലോഗമാകുന്ന സ്വര്‍ണ്ണമത്സ്യത്തെ വിഴുങ്ങാന്‍ ഒരു തിമിംഗലത്തേയും അനുവദിക്കരുത്. ഒറ്റക്കെട്ടായി നില്‍ക്കുക. നമ്മളൊക്കെ വിഘടിച്ച് പോയാല്‍ നഷ്ടം നമ്മുടെ മലയാളത്തിന്, നമ്മുടെ ബൂലോഗത്തിന് ആവും.

ആലോചിക്കുക, നിങ്ങള്‍. വന്‍‌കിട കമ്പനികള്‍ക്ക് തരികിട കളിക്കാന്‍ ഉള്ളതല്ല നമ്മുടെ ബ്ലോഗുകള്‍ എന്ന് തെളിയിക്കാം.




ഇപ്പോള്‍ എനിക്കൊരു മെയില്‍ കിട്ടിയിട്ടുണ്ട്. താഴെ ഉള്ളത്പോലെ. നിങ്ങളില്‍ ചിലര്‍ക്കും കിട്ടിക്കാണും. തെറ്റ് ചെയ്തു എന്ന് അറിയിച്ച ഇവര്‍, ചെയ്ത തെറ്റിന് തക്കതായ ഖേദപ്രകടനം നടത്താതെ, കാര്യങ്ങള്‍ നേര്‍‌വഴിക്ക് നീക്കാതെ, ബ്ലോഗ്ഗേഴ്സിന്റെ അഭിപ്രായം ചോദിച്ച്, ബ്ലോഗ്ഗേഴ്സിനെ പിന്നെയും തമ്മിലടിപ്പിക്കാനുള്ള പരിപാടിയും കൊണ്ട് ഇറങ്ങിയിരിക്കുകയാണ്. അതിന് നിങ്ങള്‍ അര്‍ഹിക്കുന്ന പ്രാധാന്യം മാത്രം കൊടുക്കുക.

Dear Bloggers,

This is in relation to the posting made by Mrs. Suryagayatri – Su regarding posting of her recipe content on Yahoo! India Malayalam Website. Webdunia is the content provider for the above website (http://malayalam.yahoo.in/ ). We observe that there have been some blog postings on the above topic. While we are in touch with Mrs. Suryagayatri through both email and phone to address her concerns, we also appreciate the concerns of the blogging community. We hence propose to have a communication with the community online on March 02, 2007 between 8 PM to 9.30 PM ( IST) on the following blogsite.

http://webdunia.wordpress.com/

We invite you to participate at this blog and express your opinion.We shall be available online to instateneously answer at the scheduled time.

Thanks and Regards,
Vinay Chhajlani CEO Webdunia.com (India) Pvt Ltd

Content theft- ബ്ലോഗിലെ കളവ്

Some of the posts from this blog are lifted word by word, without my consent and posted, in Yahoo, Malayalam (beta), and shown as their copyrighted material. See screenshots of the pages, which clearly shows the content lifting (copyright infringement).

For your comments visit this page


check this injimanga



Pls visit
this blog also

ബ്ലോഗിലെ കളവ്

Some of the posts from this blog are lifted word by word, without my consent and posted, in Yahoo, Malayalam (beta) , and shown as their copyrighted material. See a screenshot of both the pages, which clearly shows the content lifting (copyright infringement).

If anybody else, lifted content from this blog, and exhibited somewhere else, without my permission, please remove the same.


















ഈ പാചകബ്ലോഗിലെ, പല വിഭവങ്ങളുടേയും കുറിപ്പുകള്‍, എന്റെ അനുവാദമില്ലാതെ തന്നെ, യാഹൂവിന്റെ മലയാളം പേജില്‍ പ്രത്യക്ഷപ്പെട്ടിട്ടുണ്ട്. അതിനെതിരെ പ്രതിഷേധമറിയിച്ചു കഴിഞ്ഞു.‍ ബ്ലോഗിലെ കുറിപ്പുകള്‍, അടിച്ചുമാറ്റുകയാണുണ്ടായത്. മറ്റുള്ളവരുടെ വസ്തുക്കള്‍, അനുവാദം ചോദിച്ചിട്ട് എടുക്കുക എന്നൊരു സാമാന്യമര്യാദ പലര്‍ക്കും ഇല്ല എന്ന് ബ്ലോഗ് തുടങ്ങിയപ്പോഴാണ് എനിക്കു മനസ്സിലായത്. പാചകം, എല്ലാവരുടേയും ഒരുപോലെത്തന്നെ ആവും. എന്നാലും, ഒരേ വാചകങ്ങളില്‍, ഒരേ അളവില്‍, അതായത് ഒരേ ശൈലിയില്‍, പാചകക്കുറിപ്പ് വരുന്നത് ശരിയല്ല എന്നാണ് എന്റെ വിശ്വാസം. പലതും, ഈ ബ്ലോഗില്‍ നിന്ന് കോപ്പി പേസ്റ്റ് ചെയ്തപോലെയാണുള്ളത്.

ഇനി ആരെങ്കിലും, ഈ ബ്ലോഗിലെ കുറിപ്പടികള്‍, നിങ്ങളുടെ സ്വന്തമായുള്ള വെബ്സൈറ്റില്‍ ഇട്ടിട്ടുണ്ടെങ്കില്‍ ഉടനെ, എടുത്തുകളയുക.

ഉദാഹരണം ഇവിടെ. ഈ ബ്ലോഗില്‍ നിന്ന് ആറ് വിഭവങ്ങളുടെ കുറിപ്പുകള്‍ എടുത്തിട്ടുണ്ട്.

മുളേഷ്യം

മുളേഷ്യം, മൊളേഷ്യം, മൊളൂഷ്യം, മുളകേഷ്യം. നിങ്ങള്‍ക്ക് ഇഷ്ടമുള്ളപോലെ വിളിക്കാം. കായ, ചേന, വെള്ളരിക്ക, കുമ്പളങ്ങ എന്നിവ കൊണ്ട് ഉണ്ടാക്കാം.

കായ മുറിച്ച് കഷണങ്ങളാക്കുക. ഉപ്പ്, മഞ്ഞള്‍പ്പൊടി, കുരുമുളക്പൊടി, വെള്ളം എന്നിവ ചേര്‍ത്ത് നല്ലപോലെ വേവിക്കുക. വെന്താല്‍, കറിവേപ്പില, ഉഴുന്ന്, കടുക്, മൊരിച്ചിടുക. വേണമെങ്കില്‍ കുറച്ച് വെളിച്ചെണ്ണ മുകളില്‍ ഒഴിക്കുക. തയ്യാര്‍.

കേസരി

സൂചി റവ - ഒരു കപ്പ്

പഞ്ചസാര - 1 1/2 കപ്പ്

നെയ്യ് - 1 കപ്പ്

ഏലയ്ക്ക 4-5 എണ്ണം തൊലികളഞ്ഞ് പൊടിച്ചത്

അണ്ടിപ്പരിപ്പ്, ഉണക്കമുന്തിരി, കുറേശ്ശെ.

ചൂടാക്കിയ വെള്ളം - രണ്ട് കപ്പ്. നോക്കിയിട്ട് ചേര്‍ക്കുക.

മഞ്ഞക്കളര്‍ - ഒരു നുള്ള്.

റവ, കുറച്ച് കുറച്ച് നെയ്യൊഴിച്ച് നല്ലപോലെ വറുക്കുക.

ഏലയ്ക്ക ചേര്‍ക്കുക.

അണ്ടിപ്പരിപ്പും മുന്തിരിയും അല്‍പ്പം നെയ്യില്‍ വറുത്തെടുത്ത് ചേര്‍ക്കുക. കളര്‍ ചേര്‍ക്കുക.

പഞ്ചസാര ചേര്‍ത്ത് യോജിപ്പിച്ച്, റവ വേവാന്‍ ആവശ്യമായ വെള്ളം ചേര്‍ത്ത് ഇളക്കിക്കൊണ്ടിരിക്കുക. വെന്ത് കട്ടി ആയാല്‍ വാങ്ങുക.

നെയ്യ്, ബാക്കിയുണ്ടെങ്കില്‍, പഞ്ചസാര ഇടുമ്പോള്‍ ചേര്‍ക്കാവുന്നതാണ്.

കുറച്ച് പാല്‍ ചേര്‍ക്കാവുന്നതാണ്.

ഗോതമ്പ് ലഡ്ഡു

ഗോതമ്പുപൊടി - 1 കപ്പ്

പഞ്ചസാര പൊടിച്ചത് - 1 കപ്പ്

നെയ്യ് - ഏകദേശം 3/4 കപ്പ്

ഏലയ്ക്ക- 4-5 എണ്ണം പൊടിച്ചെടുത്തത്.

ഗോതമ്പ് പൊടി അല്‍പ്പം നെയ്യ് ചേര്‍ത്ത് നന്നായി വറുക്കുക. കരിയരുത്. വറുത്തെടുത്താല്‍, പഞ്ചസാരപ്പൊടിയും ഏലയ്ക്കപ്പൊടിയും ഇടുക. നെയ്യ് ചൂടാക്കി ഒഴിച്ച് ഇളക്കി യോജിപ്പിക്കുക. ഉരുട്ടാന്‍ പാകത്തിന് മാത്രം നെയ്യ് ഒഴിക്കുക. ഉരുട്ടുക. വേഗം പൊടിഞ്ഞുപോകും. പക്ഷെ നല്ല സ്വാദുണ്ടാകും.

പനീര്‍ കുറുമ

പനീര്‍ - ചിത്രത്തില്‍ കാണുന്നതുപോലെയുള്ള കഷണം 10- 12 എണ്ണം, എണ്ണയില്‍ മൊരിച്ചെടുത്തത്.

ബീന്‍സ് - 8- 10 എണ്ണം അരിഞ്ഞെടുത്തത്.

കാരറ്റ്- 2 എണ്ണം അരിഞ്ഞെടുത്തത്.

ഉരുളക്കിഴങ്ങ് - 2 എണ്ണം ചെറുതായി അരിഞ്ഞത്.

മല്ലിയില

ഉപ്പ്

മുളകുപൊടി - 1/4 ടീസ്പൂണ്‍.

മഞ്ഞള്‍‍പ്പൊടി - 1/2 ടീസ്പൂണ്‍.


കറുവാപ്പട്ട- ഒരു ചെറിയ കഷണം.

ഗ്രാമ്പൂ - 2 എണ്ണം

തേങ്ങ - 4 ടേബിള്‍സ്പൂണ്‍.

പച്ചമുളക് - 4 എണ്ണം നീളത്തില്‍ അരിഞ്ഞത്.

തേങ്ങ, കറുവാപ്പട്ടയും, ഗ്രാമ്പൂവും ഇട്ട് നന്നായി അരച്ചെടുക്കുക. ഉരുളക്കിഴങ്ങും, ബീന്‍സും, പച്ചമുളകും, കാരറ്റും, ഉപ്പും, മുളകുപൊടിയും, മഞ്ഞള്‍പ്പൊടിയും ഇട്ട് നന്നായി വേവിക്കുക. വെന്ത ശേഷം, മൊരിച്ചുവെച്ചിരിക്കുന്ന പനീര്‍ക്കഷണങ്ങള്‍ ഇടുക. തേങ്ങ ചേര്‍ക്കുക. തിളച്ചശേഷം വാങ്ങുക. മല്ലിയില തൂവുക. മുളകുപൊടിയ്ക്ക് പകരം ഇഞ്ചി അരച്ച് ചേര്‍ത്താലും മതി. വെളുത്തുള്ളി ഉപയോഗിക്കുന്നവര്‍ക്ക്, അതും കുറച്ച് അരച്ച് ചേര്‍ക്കാം. തേങ്ങ ചേര്‍ക്കുന്നതിനുമുമ്പ്, സവാള മൊരിച്ച്, കഷണങ്ങള്‍ അതില്‍ ചേര്‍ത്ത് വഴറ്റുന്നതും
നല്ലതാണ്. കോളിഫ്ലവര്‍, ഗ്രീന്‍പീസ് എന്നിവ ചേര്‍ത്തും ഉണ്ടാക്കാം.

പക്കാവട

പക്കാവട, ഒരു ചായപ്പലഹാരം ആണ്. ചായയുടേയും കാപ്പിയുടേയും കൂടെ കൊറിക്കാനും, യാത്രകളില്‍, കഴിക്കാനും പറ്റിയ ഒന്ന്. പക്കാവട രണ്ട് തരത്തില്‍ ഉണ്ടാക്കാം. കടലമാവ് ചേര്‍ത്തിട്ടും, ചേര്‍ക്കാതെയും. കടലമാവ് ചേര്‍ക്കാതെ ഉണ്ടാക്കിയാല്‍ നല്ലത്.

അരിപ്പൊടിയും കടലമാവും ഓരോ കപ്പ് വീതം എടുക്കുക.

അതില്‍, കുറച്ച് കായവും(പൊടി), ഒന്ന്- രണ്ട് ടീസ്പൂണ്‍ മുളകുപൊടിയും ചേര്‍ക്കുക. എരിവ് വേണ്ടെങ്കില്‍ ഇത്രയും ചേര്‍ക്കരുത്. ഉപ്പും ചേര്‍ക്കുക. വെള്ളം ചേര്‍ത്ത്, ഒന്ന് രണ്ട് ടേബിള്‍ സ്പൂണ്‍ വെളിച്ചെണ്ണയും ചേര്‍ത്ത് കുഴച്ച് യോജിപ്പിക്കുക. വെളിച്ചെണ്ണ ഇല്ലെങ്കിലും സാരമില്ല. സേവനാഴിയില്‍, പക്കാവടയുടെ ചില്ലിട്ട് വെളിച്ചെണ്ണയിലേക്ക് പിഴിഞ്ഞ് വറുത്തെടുക്കുക.



















ഇനി വേറൊരു വിധത്തില്‍, കടലമാവ് ഇല്ലാതെ, അരിപ്പൊടി മാത്രം ഇട്ട് ഉണ്ടാക്കുന്നതാണ്. അതിന് അരിപ്പൊടി ആദ്യം വന്നായി വറുത്തെടുക്കണം. പിന്നെ ഉപ്പും, കായവും, മുളകുപൊടിയും ഇട്ട് പക്കാവട ഉണ്ടാക്കാം.

കൂവ കുറുക്കിയത്

കൂവ കുറുക്കുന്നത്, കാച്ചുന്നത്, തിരുവാതിരയ്ക്കാണ്. നാളെയാണ് ധനുമാസത്തിലെ തിരുവാതിര.

കൂവ / കൂവപ്പൊടി (Arrowroot)






















കൂവ കുറുക്കുന്നത് എളുപ്പത്തില്‍ ആവും. ആവശ്യമുള്ള വസ്തുക്കളൊക്കെ ആദ്യം തന്നെ തയാറാക്കി വെക്കണം.

കൂവപ്പൊടി - 1 കപ്പ്

ശര്‍ക്കര പൊടിച്ചത് - ഏകദേശം ഒരു കപ്പ്

തേങ്ങ ചിരവിയത് - 1/4 കപ്പ്

ഒരു നേന്ത്രപ്പഴം ചെറുതായി മുറിച്ചത്, അല്ലെങ്കില്‍ രണ്ട് ചെറുപഴം മുറിച്ചത്. അധികമായാലും കുഴപ്പമില്ല.

കൂവപ്പൊടി, ഏകദേശം അതിന്റെ അഞ്ചിരട്ടി വെള്ളത്തില്‍ കലക്കിയെടുത്ത് അടുപ്പത്ത്, ചെറുതീയില്‍ വെച്ച് ഇളക്കിക്കൊണ്ടിരിക്കുക. അത് കുറുകി വന്ന്, വെന്താല്‍, ശര്‍ക്കര‍ ചേര്‍ക്കുക. ശര്‍ക്കര പൊടിച്ചില്ലെങ്കിലും കുഴപ്പമില്ല. പക്ഷെ, പൊടിയിട്ടാല്‍ എളുപ്പത്തില്‍ യോജിക്കും. ശര്‍ക്കരയും യോജിച്ചാല്‍, തേങ്ങയും പഴവും ഇട്ട് യോജിപ്പിച്ച് വാങ്ങിവെക്കുക.

ഇളക്കിക്കൊണ്ടിരുന്നില്ലെങ്കില്‍, കരിഞ്ഞുപോകാന്‍ സാദ്ധ്യതയുണ്ട്. വെള്ളം നല്ലപോലെ ചേര്‍ത്തില്ലെങ്കില്‍ കൂവ വേവില്ല.

ഗോബി മഞ്ചൂരിയന്‍

കോളിഫ്ലവര്‍ - 1 എണ്ണം. അടര്‍ത്തിയെടുക്കുക.

മൈദ - 1/2കപ്പ്.

കോണ്‍ഫ്ലോര്‍ - 1/2 കപ്പ്

സവാള - 4 ചെറുതായി അരിഞ്ഞത്.

വെളുത്തുള്ളി - 15- 20 അല്ലി. കൊത്തിയരിയുക.

ഇഞ്ചി - ഒരു ചെറിയ കഷണം. നന്നായി അരിയുക.

അജിനോമോട്ടോ- ഒരു നുള്ള്. നിര്‍ബ്ബന്ധമില്ല.

ടൊമാറ്റോ സോസ് - 3 ടീസ്പൂണ്‍.

സോയ സോസ് - 3 ടീസ്പൂണ്‍

ചില്ലി സോസ് - 3 ടീസ്പൂണ്‍.

പച്ചമുളക് - 4 ചെറുതായി അരിയുക.

മല്ലിപ്പൊടിയും മുളകുപൊടിയും കുറേശ്ശെ.

ഉപ്പ്

മല്ലിയില അരിഞ്ഞത് കുറച്ച് അലങ്കരിക്കാന്‍.


















മൈദയും, കോണ്‍ഫ്ലോറും, ഉപ്പും അല്‍പ്പം വെള്ളം ചേര്‍ത്ത് യോജിപ്പിക്കുക. ഒരു തുള്ളി സോയ സോസും.

കോളിഫ്ലവര്‍ ഇതില്‍ മുക്കി നല്ലപോലെ എണ്ണയിലിട്ട് വറുത്തെടുക്കുക.

കുറച്ച് എണ്ണ ചൂടാക്കി, ഇഞ്ചി, പച്ചമുളക്, അജിനോമോട്ടോ, സവാള എന്നിവയിട്ട് വഴറ്റുക. മൊരിഞ്ഞ് നില്‍ക്കണം.

സോസുകള്‍ ചേര്‍ക്കുക.

മുളകുപൊടിയും.

യോജിപ്പിച്ചതിനു ശേഷം, വറുത്തുവെച്ച കോളിഫ്ലവര്‍ ഇട്ട് യോജിപ്പിക്കുക.

സോസുകള്‍ വേണമെങ്കില്‍ ചേര്‍ക്കുക. ഉടഞ്ഞ് പോകരുത്. വാങ്ങി വെയ്ക്കുക.

മല്ലിയില തൂവുക. ടൊമാറ്റോ സോസ് ചേര്‍ത്ത് കഴിക്കാം.

















(എന്റെ പ്രിയ വിഭവം ആണിത്. അതുകൊണ്ട് കറിവേപ്പിലയില്‍ അമ്പതാമത്തെ പോസ്റ്റ് ഇതാവട്ടെ എന്ന് കരുതി.)

അല്‍പ്പം ഉപ്പിട്ട ഇളംചൂടുവെള്ളത്തില്‍ കോളിഫ്ലവര്‍ അടര്‍ത്തിയിട്ടാണ് വൃത്തിയാക്കിയെടുക്കുന്നത്.

സ്വീറ്റ് സമോസ

ഇതെന്റെ സ്വന്തമായിട്ടുള്ള പരീക്ഷണം ആണ്. പാരമ്പര്യമായി കിട്ടിയ പാചകക്കുറിപ്പുകളോ, കൂട്ടുകാരുടെ അടുത്ത് നിന്ന് കിട്ടിയതോ, വേറെ എവിടെ നിന്നെങ്കിലും കിട്ടിയതോ അല്ല. എന്റെ ഈ പരീക്ഷണം വിജയിച്ചു എന്ന് പറയാന്‍ എനിക്ക് വളരെ സന്തോഷമുണ്ട്. അതിനാല്‍ ഇനിയും ഇത്തരം പരീക്ഷണങ്ങള്‍ തുടരാനും, നന്നായാല്‍ ബ്ലോഗില്‍ ഇടാനും സാധ്യതയുണ്ട്.

പരീക്ഷിക്കുന്നവര്‍ സ്വന്തം റിസ്കില്‍ പരീക്ഷിക്കുക.

മൈദ - ഒരു കപ്പ് (100-150 ഗ്രാം വേണ്ടിവരും)

മധുരക്കിഴങ്ങ് വേവിച്ച് കഷണങ്ങളാക്കിയത് - 2 (പുഴുങ്ങുക. കുഴഞ്ഞുപോവാതെ കഷണങ്ങള്‍ ആക്കാന്‍ പറ്റണം)

ഗ്രീന്‍പീസ് - 4 ടേബിള്‍‌സ്പൂണ്‍. (ഗ്രീന്‍പീസ് വെള്ളത്തില്‍ കുതിര്‍ത്ത് വെച്ച ശേഷം വേവിച്ചെടുക്കുക)

പച്ചമുളക് ചെറുതായി അരിഞ്ഞത് - 4 എണ്ണം (എരിവ് അധികം വേണ്ടെങ്കില്‍ കുറയ്ക്കാം)

സവാള പൊടിയായി അരിഞ്ഞത് - 2 എണ്ണം

കാരറ്റ് ചെറുതായി അരിഞ്ഞത് - 1 വലുത്.

മല്ലിയിലയും, കറിവേപ്പിലയും ചെറുതായി അരിഞ്ഞത് കുറച്ച്.


മൈദ ആദ്യം തന്നെ കുറച്ച് ഉപ്പും, രണ്ട് ടീസ്പൂണ്‍ പഞ്ചസാരയും, കുറച്ച് വെളിച്ചെണ്ണയും ചേര്‍ത്ത്, വെള്ളം ചേര്‍ത്ത് ചപ്പാത്തിമാവിന്റെ അയവില്‍, അതിലും കുറച്ചുകൂടെ കട്ടി ആയി, യോജിപ്പിച്ച് വയ്ക്കുക.

കുറച്ച് പാചകയെണ്ണയെടുത്ത് (ഞാന്‍ വെളിച്ചെണ്ണയാണ് ഉപയോഗിച്ചത്) സവാളയും, കാരറ്റും, പച്ചമുളകും ഒരുമിച്ച് വഴറ്റുക.

കറിവേപ്പിലയും, മല്ലിയിലയും ഇട്ട് ഒന്നുകൂടെ യോജിപ്പിക്കുക.

ഉപ്പിട്ടശേഷം, ഗ്രീന്‍പീസ് വേവിച്ചതും, മധുരക്കിഴങ്ങ് വേവിച്ചതും ചേര്‍ക്കുക.

നന്നായി യോജിപ്പിച്ച് അടച്ച് വെച്ച് രണ്ട് മിനുട്ട് വെച്ച് വാങ്ങുക.

അടപ്പ് നീക്കി വയ്ക്കുക. അല്ലെങ്കില്‍ വെള്ളം ആവും.



















മൈദ ചെറിയ ഉരുളകള്‍ ആക്കി പരത്തിയെടുക്കുക. നടുവേ മുറിയ്ക്കുക.





















ഓരോന്നിന്റേയും നടുവില്‍ കൂട്ട് വെച്ച് ത്രികോണാകൃതിയില്‍ മടക്കുക. എല്ലാ വശങ്ങളും യോജിപ്പിക്കുക. നന്നായി എണ്ണയിലിട്ട് വറുത്തെടുക്കുക. അഥവാ മൈദയോ കൂട്ടോ ബാക്കി വന്നാല്‍, അടുത്ത വി‍ഭവം കണ്ടുപിടിക്കുക. ;)

ദാല്‍ ഫ്രൈ

ശരിക്കുള്ള ദാല്‍ ഫ്രൈ എങ്ങനെയാണെന്ന് ഉണ്ടാക്കുന്നതെന്ന് അറിയില്ല. ഇത് ഞാന്‍ ഉണ്ടാക്കുന്ന ദാല്‍ ഫ്രൈ ആണ്. നന്നാവാറുണ്ട്. ചപ്പാത്തിയുടെ കൂടെ പറ്റും. എളുപ്പവും ആണ്.

തുവരപ്പരിപ്പ് - 1 കപ്പ്

തക്കാളി - ചെറുതായി അരിഞ്ഞത് 2

സവാള - ചെറുതായി അരിഞ്ഞത് 2

പച്ചമുളക്- നടുവെ മുറിച്ച് നീളത്തില്‍ അരിഞ്ഞത് 2

മുളകുപൊടി- 1/4ടീസ്പൂണ്‍

മഞ്ഞള്‍പ്പൊടി - കുറച്ച്

ഉപ്പ്, പാചകയെണ്ണ.

പരിപ്പ്, തക്കാളിയും മഞ്ഞള്‍പ്പൊടിയും, മുളകുപൊടിയും ഇട്ട് കുക്കറില്‍ വേവിച്ചെടുക്കുക. വേവിക്കുമ്പോള്‍ പരിപ്പില്‍ ആവശ്യത്തിനുമാത്രം വെള്ളം ചേര്‍ക്കുക. പരിപ്പിനു മുകളില്‍ വേണ്ടിവരില്ല വെള്ളം. എന്നാല്‍ വെന്ത് കുഴയാതെ വേറെവേറെ ഇരിക്കും.

പാത്രത്തില്‍ പാചകയെണ്ണ ഒഴിച്ച്, കുറച്ച് ഉഴുന്നുപരിപ്പും, കടുകും, കറിവേപ്പിലയും മൊരിച്ച്, സവാള ചേര്‍ത്ത് വഴറ്റുക.

വേവിച്ചുവെച്ച പരിപ്പില്‍ ആവശ്യത്തിന് ഉപ്പിട്ടിളക്കി, സവാളക്കൂട്ടിലേക്ക് ഇടുക. നല്ലപോലെ യോജിപ്പിച്ച്, രണ്ടുമൂന്ന് മിനുട്ട് കഴിഞ്ഞ് വാങ്ങുക.

വെളുത്തുള്ളി വേണ്ടവര്‍ക്ക്, ഇടാവുന്നതാണ്.

മസാലക്കറി

മസാലക്കറി, ചപ്പാത്തിക്കും, ചോറിനും ഒരുപോലെ പറ്റും.

സവാള - 3 ചെറുതായി അരിഞ്ഞത്

തക്കാളി - 3 ചെറുതായി അരിഞ്ഞത്.

ഉരുളക്കിഴങ്ങ് - 4 ചെറുതായി അരിഞ്ഞത്.

മഞ്ഞള്‍പ്പൊടി - 1/4 ടീസ്പൂണിലും കുറവ്.

മുളകുപൊടി - 1/4 ടീസ്പൂണ്‍.

ഗരം മസാലപ്പൊടി - 1 ടീസ്പൂണ്‍.

ഉപ്പ്.

പാചകയെണ്ണ.

ഒരു പാത്രത്തില്‍ എണ്ണയൊഴിച്ച് ചൂടാക്കി, സവാള നന്നായി വഴറ്റുക. തക്കാളി ചേര്‍ത്ത് ഒന്നുകൂടെ നന്നായി വഴറ്റുക. ഉപ്പും, പൊടികളും ഇടുക. ഉരുളക്കിഴങ്ങ് ഇടുക. വെള്ളമൊഴിച്ച് വേവിക്കുക.

ഗരം മസാലയ്ക്ക് പകരം, വെജിറ്റബിള്‍ മസാലപ്പൊടിയും, മീറ്റ് മസാലപ്പൊടിയും ഇടാവുന്നതാണ്.

ഇതില്‍ത്തന്നെ വേണമെങ്കില്‍ വഴുതനങ്ങയും, കോളിഫ്ലവറും, കാപ്സിക്കവും, ഇട്ടും ഉണ്ടാക്കാവുന്നതാണ്.

മസാലപ്പൊടി, ആവശ്യാനുസരണം ചേര്‍ക്കുക.